Lulzim Basha do të udhëtojë drejt Berlinit ku nesër pritet të ketë takime të rëndësishme. Kjo është vizita e 3-të e Bashës në kryeqytetin gjerman, që nga momenti kur opozita dorëzoi mandatet e deputetëve dhe ka nisur një seri protestash për largimin e Edi Ramës nga posti i kryeministrit.
Nuk përjashtohet mundësia që në takimet në Berlin, ku pritet të jetë edhe Presidenti Ilir Meta, të flitet për mundësitë e ndihmesës gjermane për kapërcimin e krizës në Shqipëri.
Nga Gjermania ka ardhur sinjali i parë nga ndërkombëtarët për mundësinë e shtyrjes së zgjedhjeve lokale, ndërkohë që dy prej deputetëve më në zë të CDU/CSU kanë shprehur gadishmërinë për të hyrë si negociatorë në zgjidhjen e krizës politike në vend.
