Agron Duka, kryetar i PAA-së, një prej aleatëve të Lulzim Bashës, në prag të protestës së sotme të opozitës, i ka drejtuar një mesazh të prerë kryeministrit Edi Rama, ndërsa thekson se ai nuk mund të kërcënojë dhe shantazhojë më askënd.
“Kur ata që futën kriminelët në Parlament dhe në Bashki kërcënojnë qytetarët se nuk do t’u lejohet hyrja në BE dhe në SHBA, kuptojmë sa hipokrite janë këto slogane.
Kërkojnë të frikësojnë me burg ata që po protestojnë për mbrojtjen e pluralizmit, por burgun nuk e ka parë asnjë prej atyre që u kapën në krim zgjedhor (sikurse e ka pohuar dhe nënkryetari i grupit parlamentar CDU/CSU).
Pushteti nuk mbahet as me frikë, as me kërcënime, por kur kërkon të frikësosh dhe të kërcënosh do të thotë se je shumë pranë humbjes së tij.
Në orën 19:00 të gjithë në shesh!”, shkruan Duka.
