Pas raportimeve se dosjet për 4 kryetarë bashkish, të kapur në shkelje me formularin e dekriminalizimit, janë depozituar ne Prokurorinë e Përgjithshme nga autoritet holandeze, ka reaguar ministrja Gjonaj.
Ministrja e Drejtësisë, ashti si Taulant Balla, kryetari i grupit parlamentar të PS-së, ka përgënjeshtruar lajmin. Megjithatë, deklaratat e të dyve vijnë në një kohë kur vetë institucioni që kryen hetimet dhe që raportohet se ka në dorë dosjet, nuk ka asnjë reagim mohues.
“Nisur nga lajmi i publikuar ditën e djeshme në dy portale, sipas të cilëve autoritetet holandeze kanë dorëzuar pranë Autoriteteve tona dosjet me vendime penale për katër kandidate për kryetar bashkie në vend, Ministria e Drejtësisë konfirmon se ky lajm nuk është i vërtetë. Nga verifikimet e kryera në këtë institucion nuk rezulton asnjë kërkesë apo dosje nga shtetet e tjera përfshirë edhe autoritetet holandeze për kandidatët e Partisë Socialiste për kryetar bashkie në vend. Kërkesat, letër porositë dhe dosjet e autoriteteve te huaja u përcillen autoriteteve vendase të sistemit të drejtësisë në rrugë zyrtare nëpërmjet Ministrisë së Drejtësisë si autoritet qendror“, shkruan Gjonaj në Twitter.
