Kapiteneria Vlorës ka marrë mbrëmjen e djeshme një thirrje për ndihmë nga një kroçere që ishte duke lundruar në afërsi të gadishullit të Karaburunit.
Kroçeri Costa Victoria kërkonte asistencë mjekësore pasi kishte një person të sëmurë në bord, që kërkonte ndërhyrje të menjëhershme.
“Menjehere u njoftua ambulanca e qytetit dhe policia kufitare për këtë situatë. Kroçera mori udhëzim të afrohej në radën e portit të Vlores dhe të merrte asistencën e kerkuar, pasi personi duhej të zbarkohej në tokë dhe të shkonte drejt Spitalit Rajonal Vlorë. Mbas njoftimit të spitalit për rreth 10′ mbërriti në portin e Vlores ambulanca e urgjencës.
Mbas 30′-35′ krocera Costa Victoria mbërriti në radën e Vloreës sipas udhezimeve te Kapitenerise Portit Vlore ne nje distace rreth 1 milje nga porti Detar Vlore. Kapiteni i Portit sëbashku me personelin e ndihmes së shpejtë me anë të një rimorkiatori RM Aulona shkuan ne bord te kroceres Costa Victoria për të marrë të sëmurin me barrel për ta transportuar në drejtim te spitalit. Rreth ores 23:00 Personi i semur u vendos me kujdes tek ambulanca e urgjences per ne drejtim të spitalit rajonal Vlore për procedurat e mëtejshme mjeksore”, njofton kapiteneria e portit të Vlorës.
