Deputeti Lefter Maliqi ka kërkuar ndryshim të Kodit Zgjedhor. Nga foltorja e Kuvendit, Maliqi tha se Ramës i ka rënë mbështetja si politike ashtu dhe popullore dhe ka frikë të shkojë në zgjedhje me opozitën, që prej shkurtit, ka djegur mandatet.
“Ajo opozita jashtë parlamentit duhet të ngrihet më fortë që të bëhen zgjedhje të jashtëzakonshme. Duhet të ndryshohet Kodi Zgjedhor, unë jam i gatshëm të jap dorëheqjen e pari nëse realizohet kjo”, tha Maliqi.
https://www.youtube.com/watch?v=WxO6g8a9tPw
“Nuk ka konkurrencë, është një lojë, po ka kaq fuqi (Rama), të ndryshojë ligjin zgjedhor dhe këtu do jemi, edhe këta që janë ministra nuk vijnë me ligjin mazhoritar. Duhet të ndryshohet sistemi zgjedhor. Po të duan, për një ditë e ndryshojnë kodin zgjedhor, por duan ti vënë në resht”, shtoi ai.
“I uroj suksese 61 kandidateve” të PS, tha Maliqi, “se i kanë zgjedhur oligarkët”.
“Njëri prej tyre desh u mbyt, kaloi stres, se ishte socialist i vjetër”, u shpreh.
Pak kohë më parë, ish-kryeministri Sali Berisha denoncoi se kandidati për kryetar Bashkie në Kuçovë tentoi vetëvrasjen duke u mbytur në liqen.
Kandidati i PS tenton vetëvrasjen pasi i dha 150 mijë euro deputetes së Ramës
