Ministri në Detyrë për Evropën dhe Punët e Jashtme Gent Cakaj tha sot në studion e “Real Story”se raporti, qartazi e bën përgjegjëse opozitën për dështimin e reformës elektorale.
“Në rastin e Shqipërisë dhe të Maqedonisë së Veriut po praktikohet një strategji e re, për të siguruar qe nuk do ketë prapakthim. Komisioni parashikon se nuk do të ketë me implikime, vendet e BE janë në periudha disiplinore.
Vetë BE është transformuar dhe që nga 2011 e deri më tani i kushton një vemendje të veçantë hapjes së negociatave. Për ne procesi është bërë më rigoroz dhe më bindës.
Ndërkohë që vetë BE në lidhje me kushtet e ndryshuara thuhet se nuk do të ketë anëtarësime deri në vitin 2015”, tha Cakaj.
Ai ka deklaruar se Ballkani Perëndimor nuk ështe i gatshëm që të bëhet pjesë e BE-së.
“Ballkani Perëndimor nuk ështe i gatshëm që të bëhet pjesë e BE-së, por duhet të bëjmë një dallim që procesi i hapjes se negociatave, nuk është proces që detyrimisht garanton anëtarësim”, tha ai.
