Në mbledhjen e 23 majit të KQZ-së u vendos që të mos regjistrojnë komisionerët e Partisë Demokratike si dhe të LSI-së.
Sekretari zgjedhor i PD-së, Ivi Kaso në mbledhjen e KQZ-së u shpreh: “Pranoni komisionerët e PD ose do ndiqeni penalisht”, ndaj katër anëtarë që votuan kundër komisionerëve të PD-së dhe LSI-së.
Dhe si duket nuk ka qenë vetëm një “kërcënim”. Sot Kolegji Zgjedhor ka hedhur short për padinë e PD kundër KQZ-së.
Trupa gjykuese për këtë padi do të kryesohet nga ana e Lindita Sinanajt. Anëtarë në gjykim do të jenë Artur Malaj, Tomorr Skreli, Ridvan Hado dhe Astrit Kalaja.
Kolegji Zgjedhor ka hedhur short edhe për padinë e LSI kundër KQZ. Trupa gjykuese do përbëhet nga Ridvan Hado si kryesues, kurse anëtarë do të jenë Artur Malaj, Tomorr Skreli, Gjin Gjoni, Lindita Sinanaj.
