1.Grupimet tradicionale të qendrës së majtë dhe qendrës së djathtë u dobësuan
Ishte natë e keqe për partitë e mëdha, që e kanë drejtuar me radhë Europën që prej Luftës së Dytë Botërore. Grupi i qendrës së majtë S&D, në parlament humbi 45 vende në dhomën me 751 vende, duke përfunduar me 146. Qendrës së Djathtë PPE, i ikën 41, duke përfunduar me 180. Dy grupeve e mëdha të bërë bashkë nuk ikanë më 376 vendet që i duhen për maxhorancë. Për të kaluar legjislacioni e ri në parlamentin e ri të fragmentarizuar, do t’u duhet mbështetja e grupit të Liberalëve ALDE dhe mbase të Gjelbërve, të dyja fituan vende, si pjesë e një aleance të gjerë pro-europiane.
2.Vala e Gjelbër
Të Gjelbrit e Europës, mes shqetësimit të rritur publik rreth krizës klimaterike, kanë regjistruar rezultatin më të lartë në parlamentin europian me 69 vende, krahasuar me 51, herën e shkuar. Në mënyrë më spektakolare dyfishuan rezultatin në Gjermani, duke u renditur të dytët pas CDU-së së Merkel-it. Por të Gjelbrit dolën të dytët edhe në Finlandë, me 16 përqind dhe të tretët në Francë dhe Luksemburg, me performancë të mirë edhe në Belgjike dhe Holandë dhe fituan vendet e para në Irlandë, pas 20 vitesh. Partia ka qëllim ta përdorë këtë për të çuar agjendën e saj mbi një aksion urgjent klimaterik, drejtësi sociale dhe liri civile, kanë thënë liderët. Por nuk dolën mirë kudo, vetëm dy vende nga Austria në Europën Qendrore dhe asnjë në Lindje dhe Europën jugore.
3.Suksesi i profetizuar i së djathtës ekstreme ishte një flluskë
Pavarësisht se dolën fuqishëm në vende si Poloni, Hungari dhe Itali, rritja e së djathtës ekstreme aq e parashikuar, nuk u materializua. Mes tyre, tre grupet aktuale euroskeptike kanë 172 vende, një përparim nga 151 që kishin herën e kaluar, kryesisht për shkak të prurjes së Legës italiane me 22 deputetë. Megjithatë kanë gjasa të humbasin 16, ku partneri i Lëvizjes Pesë Yje, t’i marrë deputetët e tij në një grupim të ri. Performanca e së djathtës ekstreme ishte e copëzuar: Salvini kapi rezultat të lartë, por partitë nacionaliste nuk dolën aq mirë sa shpresonin në Finlandë, Sllovaki, Holandë dhe Gjermani dhe Tubimi Kombëtar i Le Pen kapi rezultat pak a shumë të njëjtë me at të 2014-s. Partia Popullore daneze e pa rezultatin të përgjysmuar. Kampi “më pak BE” është, në çdo rast, shumë larg nga një maxhorance bllokuese në parlament.
4.Qendra pro-europiane rri në këmbë
Pavarësisht rezultateve në rënie të PPE dhe Socialistëve dhe Demokratëve, katër grupet kryesore pro-europiane siguruan më shumë se 500 vende, një maxhorancë të rehatshme. Krahas suksesit të të Gjelbërve, kjo reflektohet kryesisht nga ardhja e deputetëve nga partia e Macron, që e çoi në 109, me më shumë se 40 vende. Liberalët do të jenë kingmakers-at kryesorë në parlamentin e ri, që do të rrisë ndikimin e presidenti francez pro-europian, i cili, pavarësisht se humbi ngushtësisht ndaj Le Pen-it në Francë, tani ka diçka që i kishte munguar deri më tani: një grup të fuqishëm në parlamentin europian për ta ndihmuar në çuarjen përpara të agjendës së reformës.
5.Pjesëmarrja është fituesi më i madh
Pas 40 vitesh rënie e qëndrueshme, pjesëmarrje u ngrit në tetë përqind, gjatë zgjedhjeve të 2019-s, me 50.5%, me rritje të mëdha në Francë, Gjermani, Spanjë, Poloni, Hungari dhe Rumani.
Megjithëse nga pjesëmarrje e lartë përfitojnë si forcat pro ashtu edhe kundër europiane, mund të reflektojë një vetëdije më të ngritur ndaj domethënies së bllokut dhe brishtësisë, pas referendumit Brexit në Britani.
Deputetë liberalët në parlamentin e ri europian
Suedi 3
Finlandë 3
Estoni 3
Lituani 2
Danimarkë 5
Gjermani 7
Çeki 6
Sllovaki2
Hungari 2
Rumani 8
Bullgari 3
Kroaci 1
Slloveni 2
Austri1
Francë 21
Holandë 6
Belgjikë 4
Spanjë 8
Britani 16
Irlandë 2
109
Është numri i deputetëve që ka marrë grupimi Alde, Renaissance, USR Plus
361
Është numri i nevojshëm për të krijuar maxhorancën në parlamentin europian. Partitë e mëdha nuk munden ta formojnë pa i kthyer sytë nga liberalët apo të gjelbrit
69
Është numri i deputetëve që morën të Gjelbrit. Maxhoranca e re, mund t’i përfshijë edhe ata, ndërsa populistët dhe Euroskeptikët kanë pak gjasa të jenë pjesë.
/Gazeta Liberale
