Në mbledhjen e djeshme të Komisionit të Veprimtarisë Prodhuese është diskutuar në lidhje me projektin e OSHEE të shprehur së fundmi për një pagesë të mundshme të faturave të energjisë elektrike 1 herë në 3 muaj.
Ky projekt pilot sipas drejtorit të OSHEE-së, Ardian Çela, do të zhvillohet fillimisht në një zonë të caktuar për të parë nëse do të mund të përshtatet, dhe më pas do të vihet në zbatim në të gjithë Shqipërinë.
Çela është shprehur në Komision se në projektin e ri parashikohet që matësit e energjisë elektrike të shikohen njëherë në tre muaj, si dhe pagesa e faturave të bëhet po në të njëjtën periudhë kohore.
Në këtë projekt do të bashkëpunojë dhe Entin Regullator të Energjisë, i cili kërkon shmangien e mbifaturimit të faturave.
“Dy muajt e tjerë që nuk bëhet leximi, do ti shkojë fatura në bazë të mesatares shumëvjecare. Fatura e muajit të tretë do jetë faturë sistemuese, kështu është eksperienca dhe në Itali dhe në zona të tjera. Ne mendojmë që diku nga shtatori mund të fillojmë në një zonë të caktuar, të fillojmë meleximin tre mujor, dhe pastaj në muajt në vazhdim tëshohim ta zgjerojmë në dimensione më të gjëra. Duhet të ndërojmë të gjitha matësat, sepse janë të gjithë lehtësisht të manovrueshëm. Sigurisht ka mbifaturime për sa kohë ne nuk e kemi sistemin e matjes online, i cili do ta zgjeronte mundësinë e mbifaturimit. Por ne kemi një gjë shumë pozitive. Në qoftë se ne bëjmë krahasimin e ankimimeve që kanë ardhur pranë operatorit të shpërndarjes së energjisë elektrike për mbifaturim, që nga janari i 2015 dhe deri sot, do vëreni që nr i faturimeve është reduktuar me mbi 50%”, tha Çela.
