Zotimi im para shqiptarëve është se nuk do të ketë asnjë pakt me të keqen, beteja jonë e nisur do të shkojë deri në fund.
Kështu u shpreh kreu demokrat, Lulzim Basha, ndërsa theksoi se minjtë kanë filluar të përhapin versionin për qeveri të përbashkët Basha-Rama.
“Minjtë po e ndjejnë rrezikun, ndaj poi them se këtë betejë nuk e nisëm për karriget tona, se në këtë betejë nuk jemi për të marrë pushtet në tavolinë, sepse pushteti në tavolinë është pushtet i krimit dhe oligarkisë. Ndaj po e them prerë, pazar në kurriz të shqiptarëve, nuk do të ketë asnjëherë.
Basha foli për një reformë të thellë kushtetuese që do t’i japë fund kapitullit të tranzicionit 30 vjeçar.
“Do të hapim kapitullin e demokracisë, për ta bërë Shqipërinë si gjithë Europa, sepse vetëm kështu do të parandalojmë marrjen peng të vendit nga një grusht kusarësh dhe hajdutësh”, tha Basha.
Në vijim ai shtoi se ia kemi konfirmuar miqve tanë perëndimorë se jemi gati për zgjidhjen e krizës, por duke ndjekur vetëm një rrugë, atë të standardeve europiane.
Basha tha se largimi i Edi Ramës është i panegociueshëm.
