Një 35-vjeçar mbeti i plagosur me armë zjarri orët e vona të së dielës në Lezhë. Ngjarja ka ndodhur në një lokal në lagjen “Gurra”, ku shtetasi R. K., banues në Lezhë është plagosur me armë zjarri.
Ai është dërguar në spitalin Rajonal të Lezhës, jashtë rrezikut për jetën. Grupi hetimor po punon për zbardhjen e rrethanave të ngjarjes, identifikimin dhe kapjen e autorit.
“Në një lokal në lagjen ‘Gurra’, Lezhë, është plagosur me armë zjarri R. K.,35 vjeç, banues në Lezhë, i cili është dërguar në spitalin Rajonal të Lezhës, jashtë rrezikut për jetën. Grupi hetimor po punon për zbardhjen e rrethanave të ngjarjes, identifikimin dhe kapjen e autorit“, njoftoi Policia.
Sipas informacioneve, i demtuari po qëndronte në lokal, kur disa minuta më vonë një person i është afruar lokalit dhe ka qëlluar në drejtim të këmbëve të tij.
I lënduari, R.K në dëshminë e parë që dha për policinë, ka deklaruar se nuk ka konflikte me njeri. “Nuk kam konflikte me njeri dhe se nuk kam fare dijeni se kush mund të ishte atentatori”, mësohet të ketë thënë ai. /bn/
