Kreu i opozitës Lulzim Basha, i është përgjigjur letrës së pestë të kryeministrit Edi Rama, duke theksuar se bëtaja e opozitës do të shkojë deri në fund.
Përmes një postimi në rrjete sociale, Basha thekson sërish se Europa dëgjoi zërin e shqiptarëve, dhe tani është koha e zgjedhjes politike, për një qeveri tranzitore dhe largimin e Edi Ramës.
Ja postimi i Bashës:
Beteja jonë është për Shqipërinë si gjithë Europa!
Europa e dëgjoi zërin e shqiptarëve të bashkuar. Çdo ëndërr për të sunduar si despot lindor, popullin perëndimor të Shqipërisë, do të marrë përgjigjen e merituar. Shqiptarët nuk do të pranojnë kurrë më paligjshmërinë e një qeverie të dalë nga zgjedhjet e faktuara të vjedhura. Nuk do të pranojnë më zgjedhje fallso të kryeministrit të kapur në krim.
Tani është koha për zgjidhjen politike, largimin e Edi Ramës, qeveri tranzitore, zgjedhje të lira dhe të ndershme. #ShqipëriaSiEuropa
