Fshati po boshatiset, kryebashkiaku merr vendimin e guximshëm…

Kërcënimi se shkolla e vendit të tij do të mbyllet për shkak të mungesës së fëmijëve, ka detyruar një kryebashkiak francez që të dalë me një propozim mjaft të guximshëm për të zgjidhur problemin.

Sipas medieve lokale, ky kryebashkiak ka lëshuar një dekret që ofron falas Viagra për të gjitha çiftet në vendin e tij.

Dekreti i tij, i cili u lëshua disa ditë më parë, përfshin të gjithë ata njerëz që duan të lëvizin në Montereau, një fshat prej rreth 650 banorësh në juglindje të Parisit.

LEXO EDHE  I vë flakën vetes, humb jetën

Në veçanti, dekreti thotë se “kryetari favorizon shpërndarjen e pilulave të vogla blu”.

“Pilulat do t’u shpërndahen çifteve të moshës nga 18 deri në 40 vjeç për t’u dhënë atyre mundësinë që të ruajnë shkollat ​​e dy fshatrave”, thuhet në dekretin e Jean Debouzy, duke iu referuar vendit të tij Montereau dhe një tjetër fqinj, shkolla e të cilëve po kërcënohen me mbyllje.

“Një fshat pa fëmijë është një fshat që po vdes”, tha Debouzy.