Një shtats maqedonas, me iniciale R.H, 52 vjeç, banues në Shkup, është arrestuar në Qafë-Thanë nga Shërbimet e Stacionit të Policisë Kufitare në bashkëpunim me Interpol Tirana.
Arrestimi i tij u bë me qëllim ekstradimi drejt Bullgarisë, pasi ishte shpallur në kërkim ndërkombëtar, për veprën penale “Shkelje të ligjit kundër sistemit monetar dhe sistemit kreditor”.
Arrestimi i tij u bë në hyrje të Republikës së Shqipërisë, sepse gjatë verifikimit të dokumentacionit në sistem, shtetasi i mësipërm rezultoi i shpallur në kërkim ndërkombëtar pasi Gjykata e Blagoevgrad, Bullgari, ka caktuar masën e arrestit ndërkombëtar për veprën penale të lartpërmendur, të parashikuar nga Kodi Penal Bullgar.
Maksimumi i dënimit është 8 vjet burgim.
Për veprime të mëtejshme, u njoftua ZQK Interpol Tirana me qëllim ekstradimin e këtij shtetasi drejt Bullgarisë.
