Një shtetas i ndodhur nën masën e arrestit me paraburgim arriti t’ia mbathte mëngjesin e kësaj të premte nga Qëndra Spitalore Universitare e Kosovës në Prishtinë, edhe pse te dera kishte disa gardianë që e mbanin nën mbikqyrje.
Bëhet fjalë për shtetasin A. Krasniqit, person i akuzuar për plagosjen e menaxherit të Vipave Met Elshani.
Mirëpo, ajo çka të bënë më shumë përshtypje është dredhia që ka përdorur Krasniqi për tu larguar nga spitali. Sipas autoriteteve sipas të dhënave shancet më të mëdha lidhen me mundësinë e vënies në gjumë të gardianëve, të cilëve u është shërbyer pije.
Nga hetimet bëhet me dije se Krasniqi në arratisjen e tij nga policia mund të jetë ndihmuar nga persona të tretë, pasi që dy gardianëve iu është shërbyer kafe nga një person gjatë mbrëmjes, i cili ka sjellë kafe për pacientët brenda dhomës ku po qëndronte i paraburgosuri, ndërsa policët që po bënin roje.
Kafe kjo që më pas i ka vënë në gjumë të gjithë ata që e kanë konsumuar, ndërkohë që gjatë kësaj kohe, i paraburgosuri është arratisur qetë qetë.
Personi me iniciale A.K. i cili dyshohet që tentoi ta vras personin, Met Elshani është arratisur nga klinika e Ortopedisë në QKUK, në orët e para të mëngjesit të ditës së premte.
Met Elshani, i plagosur dy ditë më parë në lagjen Dardania në Prishtinë njihet për publikun si menaxheri i shumë emrave të njohur të cilët kanë arritur suksese në muzikë pasi u bënë pjesë e ‘On Records’, ndërsa ai ka qenë ushtarë-epror në Ushtrinë Çlirimtare të Kosovës (UÇK).
