Nga Boldnews.al
Nëse do të ketë dilema se çfarë nënkupton me “zgjedhje” kryeministri ynë, mjafton që të shihet sot votimi në Akademinë e Shnecave. Kandidati i vetëm që bënte sikur u surpriza nga rezultati, ishte Skënder Gjinushi, aleati i përhershëm i PS-së dhe ish-kryetar i Partisë Social Demokrate.
Rezultati doli pas procesit të numërimit të votave, ku Akademikët e kanë votuar me 35 vota pro dhe 6 kundër, kryetarin e ri të vetmin në garë Skënder Gjinushi.
Kështu i konsideron zgjedhjet kreu i qeverisë. Pa garë, pa rivalë, por sa për imazh krijohet ideja e votimit, por në të vërtetë është emërim. Është e habitshme sesi kreut të qeverisë i intereson të fusë nën yzmin e tij edhe Akademinë e Shkencave, një institucion tërësisht i pavarur.
Më shumë se nevojë, është mani, instinkt dhe diçka genetike. Kryeministri nuk e ka domosdoshmëri për të uzurpuar Akademinë e Shkencave. Ai është institucion që nëse do funksiononte, vlen për çështje studimore për një grup të ngushtë që e kanë lidhur jetën dhe karrierën në dedikim të shkencës.
Qeverisë nuk i del nevojë, por si formë për ta pasur edhe atë, vetëm për faktin se është i “pavaruar”. Instikti e shtyn kryeministrin në uzurpin të çdo institucion të pavaruar, pasi mendon se gjithçka që është jashtë kontrollit të tij konsiderohet “armik i pushtetit”. Padyshim që e ka edhe në gen, nga e shkuara jo shumë e largët, e diktuar nga rrënjët e Partisë së Punës dhe rritja si i privilegjuar në një pushtet absolut.
Më shumë se rënia e një Akademie, vlen të theksohet me të madhe si kambanë alarmi që nuk rresht së rëni, se po manipulohet dhe kthehet në normalitet zgjedhjet farsë, të çdo lloji.
Deri më tani kryeministri është i vendosur të shkojë në zgjedhjet lokale me kandidatët e tij të vetëm që përfaqësojnë Rilindjen, ndërsa ata pak të tjerë shërbejnë si mbulesë e një gjoja zgjedhje, pavarësisht se fundi dihet, votat do shkojnë në mullirin e Rilindjes.
Rama po kërkon të kthejë autoritarizmin dhe deri më tani ka mundur që tia arrijë në tre shtyllat kryesore të pushtetit; legjislativin, ekzekutivin dhe gjyqësorin, madje edhe ajo që njihet si “pushteti i katërt”, media, kontrollohet prej tij, sidomos televizionet kombëtare.
Tashmë po i zbulohet edhe mënyra si shkon deri në uzurpimin e plotë të institucioneve. Fillimisht i përçmon, pastaj i godet dhe kur nuk u ecën edhe kjo përdor shantazhin me prerje fondesh dhe kërcënime.
Dy vjet më parë kërcënoi haptas kryetarin e sapozgjedhur Gudar Beqiraj, duke premtuar se do të ndërpriste çdo fund për Akademinë e Shkencave nëse ajo nuk reformohej. Të shumë ishin ata që mendonin se ky institucion i shkencës kërkonte reformim në themel, pasi produkti që ofronin ishte mëse qesharak, ndërsa drejtuesit qarkullonin mes tyre.
Sapo mori këtë “të drejtë morale” u kuptua qartë se kryeministri nuk kërkonte reformimin e Akademisë së Shkencave, por kapjen e saj. Tashmë ia arriti me duart e një mjeshtri që dikur njihej si “matematikani” që shpiku Dushkon e famshëm, në deformimin total të zgjedhjeve Parlamentare të vitit 2001.
