Ndalohen 5 klandestinë në pikën kufitare të Kakavijës. Mësohet se ata janë kapur në kufirin e gjelbër. Gjithashtu është arrestuar edhe një 20-vjeçar me iniciale A.Q pasi po ndihmonte klandestinët të kalonin kufirin.
“Në Gjirokastër, nga specialistët e Seksionit për Hetimin e Trafiqeve të Paligjshme u bë arrestimi në flagrancë i shtetasit A.Q., 20 vjeç, banues në Mamurras, pasi u kap duke transportuar me mjetin e tij 5 shtetas nga vendet e treta, kundrejt fitimit”, njofton policia.
Frontex, prej disa ditësh është vendosur në pikat kufitare me synim frenimin e fluksit të emigrantëve nga Lindja e Mesme dhe vendet e Afrikës së Veriut që përdorin Shqipërinë si rrugë kalimi për në BE.
