Kryetarja e Lëvizjes Socialiste për Integrim, Monika Kryemadhi i ka kthyer përgjigje Edi Ramës, për thirrjet e tij për dialog.
Ajo tha se sot opozita nuk do të dialogojë me politikanët por me qytetarët shqiptarë. Ajo tha se ka ardhur momenti që politikanët të mendojnë për qytetarët.
‘Kjo është një nga protestat më të mëdha, shikon një pjesëmarrje të jashtëzakonshme. Ne sot në atë shesh me ata qindra dhe mijëra shqiptarë, protestoj në dhe për socialistë, për policët, për administratën publike, për mësuesit dhe mjekët, për të gjithë ata që nuk mund të jenë aty për shkak të kërcënimit. Ne jemi sot aty për të treguar se jemi më të fortë se kurrë, jemi këtu sepse e duam vendin. Ne sot më shumë se kurrë tregojmë se jemi vërtetë europianë. Dëshira e shqiptarëve për të qenë europianë është më e madhe se çdo parti. Qëllimi i protestës tregon se qytetarët shtohen, deklarata në favor të opozitës shtohen. Mjafton të shohësh letrën qaramane të kryeministrit, dua t’i them mos provoko më qytyetarët, i bëj thirrje ti lërë qytetarët të qetë, të largojë çdo provokator. Ju bëj thirrje qytetarëve të distancohen nga çdo lloj dhune. Rama ka ikur, në çdo dhunë që bëjmë ne i japim pikë Ramës. Ai e di shumë mirë që vetëm dhuna i shton jetën atij. Ajo që dua të them, është se sot kjo protestë që është madhështore, e jashtëzakonshme dhe entuziaste që është çlirim për të gjithë shqiptarët. E ka bërë të qartë dhe Rama, dialogu ynë është kombëtar dhe jo politik. Dialogu fillon duke ofruar zgjidhjen. I bëj thirrje Ramës të jetë i sinqertë në letrat e tij’, deklaroi Kryemadhi.
