Dy deputetë të rinj janë betuar gjatë seancës së sotme plenare.
“Zemra Gent Cakajt”
E para ishte Artemis Malo, ish zv/ministre e Jashtme, e cila zëvendëson ish-deputetin socialist, Flamur Golemi. Ky i fundit do të garojë për zgjedhjet lokale në Gjirokastër nën logon e PS. Në zgjedhjet e fundit parlamentare, Malo u rendit e pesta në listën shumeemërorë të PS-së në Qarkun Gjirokastër.
Pak muaj më parë, nga mediat online u lakua emri i Artemis Malo, si zëdhënësja e Ministrit të Brendshëm Gent Cakaj, të cilit i komentonte emoji zemra në një foto të publikuar në Instagram.
Megjithatë, Malo përgënjeshtroi lajmin duke u shprehur se adresa në fjalë nuk ishte e saja.
Kandidati që kërkoi azil
I dyti që është bërë pjesë e parlamentit është Ervis Meço. 33-vjeçari është përfaqësues i partisë së komunitetit Egjiptian, kandidati i Partisë për Europianizim dhe Integrim, me kryetar Rivelino Çunin.
Kjo forcë politike në zgjedhjet e shkuara ishte aleate me PD-në dhe kandidatët e saj garuan me siglën e PD-së në zgjedhje. Meço u rendit i 13-ti, i fundit, në listën shumëemërorë të PD-së, në zgjedhjet parlamentare të 2013-ës.
Të dhënat që jep në formualrin e dekriminalizimit tregojnë se Meço është dënuar në Gjermani me 30 ditë burg. Ai saktëson se vepra penale e tij është konvertuar në gjobë, të cilën e ka paguar. Ervis Meço akuzohet se ka përgjuar/regjistruar në mënyrë të paligjshme një zyrtar gjerman dhe për këtë vepër penale ai është dënuar me burgim. Po ashtu kandidati që pritet të futet në Parlament, Ervis Meço shkruan në formular se për katër muaj ka qendërzuar në Gjermani si azilant politik, por nuk e ka përfituar statusin. Sipas formularit të plotësuar nga ai vetë, kandidati për deputet ka shkuar në gjermani për azil pas zgjedhjeve të 2017. /Boldnews.al/
