Kujtim Gjuzi, deputet i opozitës së re, tha se nuk është absolutisht e vërtetë që ai është më i afërt me Edi Ramën sesa me Lulzim Basha.
Gjuzi tha se nuk ia ka hapur telefonin kreut të PD-së, pasi ai më përpara ia ka mbyllur dy herë telefonin.
“Kur erdhi znj. Kryemadhi në tryezën e partive politike, i kam thënë mirëserdhe në rradhët e opozitës, pasi e kuptove që marrëveshja e 1 prillit në 2013 ishte marrëveshje tradhëtie.
Edhe ju nuk ma keni hapur telefonin, mbase ke qenë i zënë jo aq sa Basha”, tha Gjuzi në studion e 360 gradë, duke iu drejtuar drejtuesit të emisionit, Artur Zheji.
Pjesë nga biseda në studio:
Gjuzi: 12 kryeministrat e 12 prefektuara janë me status ushtaraku dhe ky është një grusht shteti. Prandaj Partia Konservatore e ka tëhën që është në grusht shteti Edi Rama.
Zheji: Basha një vit apo dy i vonuar?
Gjuzi: Unë mendoj se që nga data 26 qershor 2017 është i vonuar sepse atë ditë kam qenë në zyrën e Bashës për ti thënë që këto zgjedhje kanë 24 mandate të intimiduara. Më 25 maj është e drejta e kryetarit të PD-së, të bëjë protestën e radhës dhe të shpresojmë të gjejë koherencën dhe të mbledhë ata faktorë rezistentë të opozitësh shqiptare parlamentare.
Zheji: Ju do të jeni në protestë?
Gjuzi: Nëse do kem një ftesë të drejtëpërdrejtë nuk kam për tja mbyllur telefonin. Kur dikush ma mbyll një herë telefonin mua, unë ja mbyll të paktën 2 herë.
