Borussia Dortmund ka konfirmuar zyrtarisht transferimin e anësorit të Mochengladbach, Thorgan Hazard.
Ylli belg ka nënshkruar kontratë 5-vjeçare me nënkampionët e Bundesligës, duke u bërë në këtë mënyrë blerja e dytë për verdhezinjtë gjatë merkatos së verës.
“Ne jemi të kënaqur që Thorgan ka vendosur të bashkohet me Dortmundin’’, tha drejtori sportive Michael Zorc.
Shuma përfundimtare e transferimit të Hazard nuk është zbuluar por raportimet e medieve zbulojnë që Dortmundi do të shpenzojë diku 25 deri në 40 milionë euro.
Kujtojmë që më parë Dortmundi ka zyrtarizuar edhe transferimin e mbrojtësit të majtë të Hoffenheim, Nico Schulz.
