Kryeministri Edi Rama iu drejtua me një letër të hapur kreut të PD-së, Lulzim Basha, ku e ftonte për dialog pa kushte.
Ndër të tjera, Rama shkruante se pavarësisht qëndrimeve krejt të kundërta lidhur me 30 qershorin, ata mund të dialogonin për pas kësaj date, pasi kështu e kërkonte shumica e shqiptarëve.
E ndërsa basha nga Durrësi ka refuzuar propozimin e bërë nga Rama, duke u shprehur se nuk do të ketë më pazare, në rrjet ka plasur gallata.
Video të ndryshme me sekuenca nga filmat e kohës së regjimit komunist janë postuar, ku flitet për letrat e hapura të partisë drejtuar masave, apo për të kundërtën, kur masat i drejtoheshin partisë me letra të hapura.
Ndoshta këtu është frymëzuar edhe kryeministri, i cili është ulur për të shkruar një letër të hapur me frymë revolucionare.
