Studentët të cilët janë duke protestuar para Ministrisë së Arsimit kërkojnë rrëzimin e Ligjit për Arsimin e Lartë. Ata i kanë bërë thirrje Besa Shahinit që të shikoj sot 12 kërkesat e tyre se përndryshe në ditët në vijim do të bojkotojnë mësimin.
Ata janë të pajisur me flakadanë, tymuese dhe gurë dhe kanë gjuajtur në drejtim të ministrisë.
“Protesta e sotme është një ditore por mendohet që brenda ditës së sotme ajo ti shikojë dhe të na japë një zgjidhje. Nëse nuk do të kemi një përgjigje nga ana e ministres do të bojkotojmë mësimin dhe do të dalin sërish në shesh në protestë. Protestën e kemi kundër ministres së arsimit, duam zgjidhje nga ky institucion. Nuk kemi frikë nga penalizimi”, u shpreh një nga studentët.
