Konstitucionalisti Sokol Azizaj, ish-zv.ministër i Drejtësisë në qeverisjen socialiste, ka komentuar në studion e ABCneës, lidhur me kërcënimet e kryeministrit Edi Rama ndaj qytetarëve që do të tentojnë të prishin sistemin zgjedhor.
Sipas Azizaj, Rama po luan bllofin me ashpërsimin e Kodit Penal për ata që prishin zgjedhjet, pasi sipas tij, ndryshimet në të nuk kalojnë dot me procedurë të përshpejtuar. Sipas tij, duhet 45 ditë që të hyjnë në fuqi.
“Rama po luan ‘blofin’ me ashpërsimin e Kodit Penal për ata që prishin zgjedhjet. Ndryshimet në Kodin Penal nuk kalojnë me procedurë të përshpejtuar dhe duhen 45 ditë që të hyjnë në fuqi”, tha Azizaj.
Kryeministri Rama ka paralajmëruar të gjithë ata që do të përpiqen të bllokojnë mbajtjen e zgjedhjeve më 30 qershor. Madje Rama shkoi deri atje sat ë paralajmëronte se ata që do të prishin zgjedhjet nuk do të lejohet që të hyjnë në BE dhe SHBA.