Mesditën e sotme studentët do t’iu rikthehen protestave të tyre, të mbyllura në mënyrë jo të suksesshme në muajin Shkurt të këtij viti.
Të gjendur përballë mosmbajtjes së premtimeve nga ana e qeverisë, studentët do të marshojnë sot në orën 12:00 në drejtim të Ministrisë së Arsimit. Gjithashtu, është siguruar edhe lista me 14 kërkesat e tyre, një pjesë e të cilave ngjasojnë me ato të muajit Dhjetor, kur nisën dhe protestat masive studentore, që lëkundën jo pak pozitate qeverisë.
Ndër pikat më të rëndësishme të listës së kërkesave është ulja me 50% të tarifës së Masterit, heqja e tarifave shtesë për provimet e prapambetura, kriteri i gjuhës së huaj të ruhet por të jepet si provim në Fakultetin e Gjuhëve të Huaja me tarifë të përballueshme prej tyre.
Ata kërkojnë gjithashtu investime urgjente në laboratorë e kabinete, rritjen e peshës së votës studentore në 25%, por edhe rritjen e pagës për pedagogët. Ende nuk dihet çfarë përmasash do të marrë portesta e sotme, ndërsa priten edhe studentë nga rrethet.
Studentët rikthehen sot në protestë/ Bllokojnë hyrjen përpara Ministrisë së Arsimit
