Sekretari për Çështjet Ligjore në PD, Çlirim Gjata, i ka cilësuar deklarimet e Presidentit Ilir Meta mbi reformën në drejtësi si vendosje të gishtit mbi plagë.
Në emisionin “Byro Politike”, Gjata tha se Meta i kërkoi hapur Brukselit që të sjellë një komision monitorimi në Shqipëri pikërisht për reformën në drejtësi.
“E kam thënë edhe në krye të herës se Ilir Meta po mban qëndrim Presidencial. Po mban atë qëndrim që duhet të mbajë një President me aq pak mundësi sa ka, me aq sa i jep hapësirë kjo Kushtetutë që kanë ardhur duke e zvogëluar dhe kushtëzuar. Dhe jo vetëm me Kushtetutë por kanë nxjerrë ligje që nëpërmjet grremçave ligjore ai ekzekutojë ato kompetenca që ka. Kur them që mbajti qëndrim presidencial, nuk është çështja e parë. Ai ka mbajtur qëndrim tek çështja e Teatrit.
Janë 200 milionë euro në tavolinë dhe presin të ekzekutohen dhe pastrohen tek toka e teatrit. Dy herë e ktheu ligjin e teatrit.
Ka mbajtur të njëjtin qëndrim dekretimit të ministrave, ku një ushtarak pa hequr gradat në kundërshtim e Kushtetutën zoti Rama e propozonte për ministër, ky nuk e pranoi.
E dyta morën një djalë të vogël i cili sapo kishte marrë atë dekoratën miku i vogël i librit dhe e bënë ministër. Zoti Meta ka mbajtur qëndrimin e vërtetë presidencialit e quaj unë që duhet të mbajë një President.
Jo vetëm që vuri gushtin në plagë dhe nuk po përsëris se është e shkruar, Meta shtroi zgjidhje dhe i kërkoi Brukselit që të sjellë komision monitorimi”, tha Gjata.