Kreu i opozitës Lulzim Basha, i ka dhënë një përgjigje të prerë ftesës së bërë nga kryeministri Edi Rama ditën e sotme, ku e ftonte për dialog.
Basha tha se shqiptarët dhe opozita e bashkuar nuk do të heqin dorë nga misioni i tyre deri në fund, largimi i Ramës nga qeveria dhe bandës së tij kriminale.
Ai tha se opozita refuzon të kapitullojë.
‘Pa e ndarë politikën nga krimi, pa i çuar prapa hekurave kriminelët dhe politikanët e korruptuar Shqipëria nuk mund të shkojë drejt Europës. Misioni ynë është mision kombëtar, ku një parti e madhe me një histori të madhe dhe me një mision të madh kombëtar si PD, duhet të vendosë nëse do të zgjedhë rrugën e rehatit, rrugën e kompromisit me të keqen për hir të karriges, apo betejën hyjnore për njerëzit, ne e kemi bërë zgjedhjen, ne jemi në krah të projektit për Shqipërinë si gjithë Europa. Ne nuk luajmë me portat e vogla të krimit, siç luan Rama. Ne nuk pranojmë teatër në interesat e shqiptarëve, sepse ne kemi një msion të jashtëzakonshme, sepse ne nuk jemi parti e zakonshme, ne jemi bashkimi që hodhëm Enver Hoxhën, ne jemi në ballë të bashkimit që do të shembim tiraninë e krimit, çdo çmim dhe sakrificë. Rama na propozon që në 30 qershor ne të bëjmë sehir teksa ai bën një proces fallco, zgjedhje fallco, ku 1.4 milionë shqiptarë nuk kanë karta të vlefshme identiteti, karta të skaduara, potencialisht 1.4 milionë karta të skaduara, pasi regjistri manipulohet shumë kollaj. Rama na propozon zgjedhje ku kriminelë me damkë, Nga Artur Bushi tek tërmet Peçi e dhjetëra të tjerë rikandidojnë ,kur në fakt ata duhet të ishin para drejtësisë. Na propozon të kapitullojë këtu në Durrës përballë asistentes së Vangjush Dakos, të cilin po e përfshin vorbulla që po e çoj atje ku e paralajmëruam, para drejtësisë’, deklaroi Basha.
