Kokainë, hashash, mitralozë dhe kallashnikovë, eksploziv i fuqishëm, detonatorë dhe jelekë antiplumb, u bllokuan dhe sekuestruan nga policia italiane, gjatë një operacioni anti-drogë, kundër një grupi të lidhur me mafian romane dhe “Santa Corona Unita”.
Mediat italiane raportojnë se në pranga ra edhe Costantino Sgambati, 42 vjeç, ndërsa policia ka lëshuar 18 urdhra ndalimi.
Grupi kriminal konsiderohej si një prej të rëndësishmëve në shpërndarjes së drogës në kryeqytetin Italian dhe rrethinat e tij.
Gjatë këtij operacioni u kapën 73 kg kokainë, 140 kg hashash, 20 armë zjarri kallashnikovë, mitralozë Skorpion dhe silenciator, 6 kg eksplozivë të fuqishëm, 5 detonatorë dhe një jelek antiplumb, shkruajnë mediat italiane.
Gjatë hetimeve u zbulua edhe roli i një shqiptari 31 vjeçar.
Dorian Petoku, u arrestua në Gico, janarin e kaluar si pjesë e operacionit “Kostoja e ulët e Brazilit”, në përpjekje për të importuar mbi 1000 kg kokainë nga Amerika e Jugut në bashkëpunim me disa shtetas italianë, pjesë e organizatës.
