Aleksandër Biberaj, anëtar i Këshillit Kombëtar të PD-së, tha se protestat e studentëve nuk ka pasur asnjë ndikim politik, por ishte një lëvizje e pastër studentore. Biberaj, duke komentuar situatën politike në vend, tha se Edi Rama po tenton të rikthejë modelin e Ramiz Alisë.
“Rama sot i drejtohet anëtarëve të PS të shkojnë në bazë, ndërkohë që në 1990 Ramiz Alia jepte të njëjtat porosi.
Zgjedhje pa opozitën nuk mund të ketë dhe nuk do të ketë”, tha Biberaj. Sipas tij, përgjimet tregojnë se zgjedhjet e 2017 u manipuluan, qeveria u tregua arrogante dhe opozita u kthye në fasadë.
Gjesti më minimal që duhet të bëjë Rama është të dorëhiqet nga posti i kryeministrit të vendit”, tha Biberaj.
Në vijim ai shtoi se për opozitën nuk ka asnjë problem që të negociojë me Ramën si kryetar i PS-së, por ai s’mund të organizojë zgjedhjet, pasi ai ka ngritur një administratë që në nivelet më të larta ka vendosur njerëz edhe të inkriminuar.
