Komediani i njohur Julian Deda përmes një postimi në rrjet ka ironizuar kryeministrin Edi Rama, por njëkohësisht duket se e ka paralajmëruar mbi atë që do të ndodhë më 30 qershor.
Deda ka reaguar pas deklaratave të bëra një ditë më parë nga Rama se ata që do të guxojnë të prishin zgjedhjet do t’u ndalohet vajtja në SHBA apo BE.
“Ky që kërcënon se do t’i ndalohet vajtja në USA atyre që cënojnë zgjedhjet, a e ka të qarte se 2/3 e shqiptarëve jo vetëm qe nuk kanë as dëshirë as ndërmend të shkojne atje, por edhe sikur t’i lind dëshira nuk kanë lekë për ta tentuar, se i ka varfëruar jeta. Kështu që, me këtë paralajmërim i “trembe” aq shumë sa prishja e procesit do të të duket koncert me muzikë dhome”, shkruan Deda.
