Ditën e sotme, aktivist, qytetarë dhe mbështetës të të drejtave të komunitetit LGBTI, kanë zhvilluar ditën e sotme Paradën e Krenarisë.
Aktiviteti i përvitshëm që zhvillohet në muajin Maj, mes muzikës dhe pankartave, është zhvilluar sërish këtë vit të sheshi “Rinia” dhe ka vazhduar deri në Bulevardin “Dëshmorët e Kombit”.
Aktori i njohur i skenës, Julian Deda përmes një postimi në Instagram ka publikuar një foto ku shkruan:
“E tmerrshme! Prapë kanë dalë në rrugë ata që duan të martohen burrë me burrë? Ikni nga Tirana sot”, – shkruan Deda në postimin e tij në Instagram, ky postijm nuk iu ka pëlqyer aspak ndjekësve të tij, të cilët menjëherë i kanë komentuar të revoltuar dhe irrituar.
Aktori nuk mori mbështetjen e ndjekësve të tij, por përkundrazi ata iu kundërvunë keq duke i shkruar të tilla komente:
“Sa turp të shohësh një mesazh të tillë nga ana jote Jul! Dhe sidomos kur shoh përgjigjet që shkruajnë të tjerë. Nuk janë këto problemet e botës, hapni sytë. Duhet të kesh frikë nga njerëzit që komentojnë me këtë lloj injorance dhe këtë lloj agresiviteti. Jam pa fjalë dhe e hidhëruar”, -shkruan një prej ndjekësve.
“Do e kesh me ironi me siguri ose homofobi, nga një person publik si ti është turp të dëgjosh vërtet sepse një gjë është të thuash që nuk je dakord me çiftet gay, por është gjë tjetër t’i denigrosh dhe të ushqesh urrejtjen në mendjet e vogla të atyre që lënë komente të tmerrshme në këtë post”,-komenton një tjetër.
“Ishe një ndër aktorët e mi të preferuar deri në këtë moment. Turp për ty e gjithsecilin që po ushqen urrejtje ndaj komunitetit LGBT. Dashuria është dashuri.”-shkruan një tjetër.
“’Ata’ janë njerëz si unë dhe ti. Askush nuk ka të drejtë të gjykojë se më kë ndan kënaqësitë, shtratin apo jetën tjetri. Nuk ka asgjë për tmerr dhe kujdes.”– shkruan një tjetër komentues.