Halit Valteri bëri betimin dje në Kuvend, duke marrë zyrtarisht mandatin e deputetit. Valteri renditej në listën shumëemërore të kandidatëve të PD-së në qarkun e Tiranës, ndërsa mbante funksionin e kreut të degës së FRPD-së nr 7 në Tiranë.
Sikundër raportohet, Valteri është shkarkuar nga ky pozicion pasi ka pranuar mandatin, ndërsa më herët ishte pezulluar nga funksionet.
Kryesia e FRPD-së kishte vendosur më 9 prill 2019 që të shkarkonte nga çdo funksion të gjithë ata kandidatë që si pjesë e këtij forumi, ishin përfshirë në listat e kandidatëve për deputet në zgjedhjet e fundit.
Veç Valterit, më herët u larguan nga pozicionet që mbanin edhe Arlind Cacani dhe Andi Përmeti.
