Pas 5 vitesh, Antoinne Griezmann ka vendosur të largohet nga Atletico e Madridit në fund të sezonit. Vendin e francezit duket se do e zërë një tjetër francez.
Bëhet fjalë për Alexandre Lacazette, sulmuesi 29-vjeçar francez, që aktualisht luan në Premier League me Arsenal.
Sipas “The Sun”, Lacazette mund të luajë me skuadrën “colchoneros” sezonin tjetër edhe pse ka një kontratë me Arsenal që skadon në vitin 2022. Një sulmues që sipas mediave spanjolle pëlqehet nga trajneri Diego Simeone, pasi ka përvojë edhe në arenën ndërkombëtare.
Lacazette kushton rreth 80 milionë euro, çka mund të ndërlikojë disi gjërat. Atletico nuk i ka problem paratë, pasi nga shitja e Griezmann do të arkëtojë 125 milionë euro. Gjithsesi, klubi nuk ka shumë dëshirë të shpenzojë këtë shumë për Lacazette, ndaj është duke biseduar me “topçinjtë” për të mbyllur marrëveshjen për shifrën 60 milionë euro.
