Ish-deputeti i PD, Ervin Salianji, ka bërë një denoncim të fortë mbrëmjen e sotme në emisionin ‘Zonë e Lirë’, ku tha se një punonjës i bashkisë së Ersekës, Fatjon Feka, i cili është edhe kandidat i BD-së së patozit, u kap me 25 kg drogë në makinë, dhe lajmi u mbajt i fshehtë.
Sipas Salianjit zyrtari u mor në mbrojtje, pasi Rilindasit nuk donin tu plaste sërish një tjetër skandal. Ai tha se kandidatët e Bindjes i emëron Edi Rama.
‘Ata që janë bashkuar janë njerëz që kanë punuar kundër Partisë Demokratike. Astrit Patozin ka gjithë të drejtën e vet të vazhdojë jetën politike në çdo forcë politike. Të gjithë njerëzit në PD e dinë që ata që janë te partia e tij kanë punuar kundër PD-së. PS falsifikoi firmat për krijimin e kësaj partisë. Para dy ditësh kandidati i Bindjes në Ersekë, Fatjon Feka, ju gjet në makinën e tij AA443 BS, kandidat i Bindjes në Ersekë, i kapet makina me 24 kg kanabis sativa, dhe çfarë ndodhi, nuk u bë lajm u mbajt i fshehtë’, deklaroi Salianji. /Boldnews.
DENONCO