Ervin Salianji, ish-deputet i PD-së, u shpreh mbrëmjen e sotme se gazeta më e madhe në Europë, “Bild”, një media super-prestigjoze, ka botuar një artikull lidhur me përgjimet.
Në këtë kuadër, Salianji tha se mediat janë pararendëse të asaj që do të ndodhë, pra të ndryshimeve të qeverive.
Salianji theksoi se Rama ka komunikime edhe me Ymer Lalën. “Ka mesazhe me babain e një deputeteje, që është Ymer Lala”, tha ai, duke sqaruar në kë mënyrë përgjimet mbi zgjedhjet në Dibër. Sipas Salianjit, Rama u kap si hajdut dhe duhet të iki.
“Po të shihni komunikimet e Edi Ramës do të dëgjoni që disa herë ai thotë se do të ketë zgjedhje, çka tregon se ai e ka një siklet të madh këtë.
E thotë në takimet me gazetarët, në studio televizive, në takimet me strukturat e PS-së, çka do të thotë se zgjedhje nuk do të ketë.
Sepse nëse do të kishte zgjedhje, Rama do të shkonte të bënte fushatën, por edhe ai vetë e di që zgjedhje nuk ka, dhe s’mund të ketë”, theksoi Salianji.
