Sot do të transmetohet nata e dytë live e Eurovision 2019 Song Contest, që këtë vit mbahet në Tel Aviv të Izraelit.
Sot, janë gjithsej 18 shtete që do të garojnë, ndërsa vetëm 10 prej tyre do të arrijnë të kualifikohen në finalen e madhe të 18 majit. Shqipëria këtë vit do të përfaqësohet nga këngëtarja Jonida Maliqi me këngën “Ktheju Tokës” dhe mbart numrin 14 në renditje.
Faqja në facebook “ESCTODAY” që çdo vit bën sondazhe para netëve të Eurovizionit ka hapur një votim në orën 15:00, ndërsa deri më tani kanë votuar rreth 13.000 persona.
Ajo që vihet re në këtë sondazh, është se vendi ynë për vetëm 4 orë, ka arritur të jetë në vendin e tretë në renditje me plotë, 2259 vota deri në orën 19:20.Nëse bazohemi në këtë votim, është e sigurtë që Shqipëria me Jonida Maliqin do të kalojnë në finale e madhe të 18 majit.
DENONCO