Pas akuzave të ish-kryeministri Sali Berisha se Alfred Deliaj ka ndërruar jetë dhe policia fshehu ngjarjen, ka reaguar policia lokale. Në një njoftim për mediat, Policia e Vlorës bën me dije se 47-vjeccari u gjet pa ndjenja nga policia dhe se ndërroi jetë në spital si pasojë e hemorragjisë cerebrale.
“Në lidhje statusin e publikuar nga z.Berisha në rrjetet sociale sqarojmë se: Më datë 12.05.2019, në ‘Sheshin e Flamurit’ është gjetur i shtrirë në tokë (nën efektin e pijeve alkoolike) shtetasi A.D., 47 vjeç, banues në Vlorë, me frakturë në kokë. Nga kqyrja paraprake në trupin e tij nuk janë vërejtur shenja dhune apo dëmtime të tjera përveç frakturës që ka marrë në kokë, dyshohet për shkak të rrëzimit. Ky shtetas ka ndërruar jetë 3 ditë më vonë në Spital dhe sipas aktit të ekspertizës rezultuan se vdekja ka ardhur për shkak të hemoragjisë cerebrale në kokë. Policia i ka referuar materialet në Prokurorinë pranë Gjykatës së Shkallës së Parë Vlorë për veprime të mëtejshme”, thuhet në njoftimin e Policisë.
Më herët, ish-kryeministri, duke iu referuar një mesazhi ardhur në adresë të tij, denoncoi mos bërjen publike të ngjarjes nga policia.
“Fshihet nga narkopolicia krimi i shemtuar, rrahja me pasoje vdekjen e qytetarit ne Vlore!
Miq, fshehja e krimeve tipar i narkopolicise se Vasal Kimikut dhe Edvin Mashtrimit!
Miq, cdo dite qytetaret denoncojne narkopolicine per fshehje te krimeve.
Shkaku kryesor i ketij qendrimi kriminal eshte sepse narkos me uniforme jane autore te tyre ose krimet jane kryer nga bandat e partise!
Lexoni mesazhin e qytetarit dixhital. sb
Doktor të përshëndes.
Një qytetarë me emrin Alfred Deliaj rreth 50 vjeç.
Para 3 ditësh u gjënd në sheshin e flamurit i rrahur me fraktura në kokë.
Sot ndëroj jetë.
Familjarëve në fillim u tha që ishte aksident.., më pas nuk thanë më asgjë.
Askush nuk e raportit nga mediat, apo komunikatë nga policia e shtetit.
Terr informativ verifikojeni.
Të uroj shëndet”, thuhet në statusin e Berishës.
