Një grup anarkistësh hodhën bojë dhe një bombë tymuese në rezidencën zyrtare të ambasadorit të SHBA në Greqi, Geoffrey Pyatt, në Athinën qendrore në orët e para të së mërkurës.
Sipas njoftimeve paraprake, grupi i anarkistëve Ruvikona ndërmorri aktin te rezidenca, e cila është pranë Ambasadës së SHBA dhe iku menjëherë.
Të paktën shtatë të dyshuar janë arrestuar.
Kjo është hera e tretë që vendbanimi i ambasadorit është bërë objekt i grupeve anarkiste, shkruan Greece reporter.
Geoffrey Pyatt tha të mërkurënn se sulmi ishte një “vandalizëm fëminor” dhe se ai do të punonte me autoritetet greke “për të ndëshkuar fajtorët sipas ligjit”.
Ambasadori tha se “shkatërrimi i pronës nuk është protestë paqësore”.
Ministria e jashtme e Greqisë gjithashtu e dënoi sulmin duke thënë se ishte një “veprim i papranueshëm dhe i papërgjegjshëm që megjithatë nuk do të dëmtonte miqësinë dhe bashkëpunimin gjithnjë e më të gjerë midis dy vendeve tona”.
Të martën mbrëma, anarkistët sulmuan selinë e partisë socialiste PASOK në Athinën qendrore, pas një marshimi ku kërkonin leje për t’a nxjerrë nga burgu terroristin e dënuar Dimitris Koufontinas.
