Trashi: Përveç Kombëtares duhet të krenohemi edhe me Skënderbeun, nuk është turp t’i kopjojmë

Ky sezon padyshim që ishte një nga sezonet më të veçanta të Lorenc Trashit i cili arriti të Kombëtare dhe fitoi titullin kampion me Partizanin. Mbrojtësi i të kuqve, i ftuar në emisionin ‘Pressing’, u shpreh se ky ishte momenti i duhur i Partizanit duke treguar edhe të veçanta nga ndeshja derbi dhe nga kampionati.

“Ishte momenti më i duhur dhe e mbyllëm në atë moment dhe që ndodhesha aty ku duhej. Ishte gjëja më e bukur e ndeshjes pritja në sekondën e fundit. Derbi ka rëndësinë e vet dhe ishim të shkëputur nga Kukësi. Të fitosh kampionatin në derbi, është diçka speciale.

Para ndeshjes me Skënderbeun kam gabuar dhe kur gabon Trashi që është nga më të vjetrit, Mala, Asani, Bardhi e këto nuk duhet ta bëjnë. Ndëshkimi që më dha klubi tregon se klubi është mbi të gjitha. Pavarësisht se ndeshja u humb, përgjegjësitë i mbajti trajneri dhe tha se dua disiplinën dhe kjo ka rezultuar pozitive?

Dashuria për trajnerin? Këtë vit është më ndryshe dhe normalisht që afrimiteti këtë vit është më ndryshe nga vitet e tjera dhe është çelësi i suksesit. Duke parë se vitet tjera kemi shkuar deri në fund dhe nuk e kemi arritur qëllimin nga shumë rrethana, nuk ia dolëm.

Titulli? Nuk ka pasur besim pasi kemi qenë vetëm 3 nga viti i kaluar dhe kemi qenë të rinj. Klubi ka menduar për bazën për 3-4 vite dhe për të bërë ekip më të fortë. Rezultoi viti i duhur siç deshën lojtarët dhe krijuan besim. Ky është çelësi i suksesit.

Konkurrenca? Nuk e kuptoj si thuhet nuk ka konkurrencë kur jemi ekip krejt i ri. Shumica luajnë për herë të parë në Superiore. Kukësi ka ekip me eksperiencë dhe lojtarë që paguhen shumë. Skënderbeu ka lojtarë me eksperiencë.

LEXO EDHE  TRONDITËSE/ Ekzekutohet me 7 plumba ish-legjenda e futbollit afrikan

Pasi kam hyrë te tifozët e kisha të pamundur që të dilja nga aty. Kapa një tifoz të cilin e njihja dhe i kërkova të më ndihmonte që të largohesha nga turma. Për ne ishte dyfish festë që fituam titullin kampion, pasi e fituam edhe në derbi dhe mundëm Tiranën. Do të shpalleshim kampion edhe nëse do të luanim në ‘Elbasan Arena’.

Pasi kam hyrë te tifozët e kisha të pamundur që të dilja nga aty. Kapa një tifoz të cilin e njihja dhe i kërkova të më ndihmonte që të largohesha nga turma. Për ne ishte dyfish festë që fituam titullin kampion, pasi e fituam edhe në derbi dhe mundëm Tiranën. Do të shpalleshim kampion edhe nëse do të luanim në ‘Elbasan Arena’.

Skënderbeu ka bërë 6-7n vite të mrekullueshme. Ne krenohemi me Kombëtaren por duhet të krenoheshim edhe me Skënderbeun. Duhet të ndjekim rrugën e Skënderbeut dhe rrugën që kanë pasur drejtuesit e Skënderbeut. Nuk është turp të thuash që të kopjojmë rrugën e Skënderbeut dhe të bëjmë në Europë atë që ka bërë Skënderbeu.

Para një ndeshjeje derbi, vinin tifozët dhe thoshin te hoteli nuk e duam titullin por duam derbin. Ky muhabet u tha disa herë, deri sa erdhi koha që thanë: “Nuk e duam më derbin, tani duam titullin!”, tha Trashi.