Rilindasit shpallin ‘Armik Populli’ dhe gazetën ‘Bild’/ Bukuroshja e PS shpërthen ndaj gazetës gjermane

Pasi mbaroi punë me armiqtë e brendshëm (mediat shqiptare) tani Rilindja ju ka shpallur luftë pakompromis armiqve të huaj, të cilët me artikujt e tyre duan të nxijnë Shqipërinë e ndritur në udhëheqjen e liderit të madh, Skënderbeut të Elisa Spiropalit, Edi Rama I.

‘Bukuroshja’ e PS, Blerina Gjylameti, e ka cilësuar gazetën prestigjoze gjermane ‘Bild’ një media të paguar, e cila është vënë në funksion të atyre që nuk e duan Shqipërinë, dhe duan ta shohin çdo ditë e më keq.

“Ata që paguajnë para për të nxirë imazhin e Shqipërisë në botë, për të goditur ekonominë dhe turizmin, sot dalin dhe rrahin gjoksin krenarë për zullumet që i bëjnë Shqipërisë. Është e vërtetë, artikuj si ai i djeshmi në gazetën gjermane, i bëjnë dëm imazhit të vendit jashtë. Në Shqipëri askush nuk beson vërtetësinë e një artikulli ku deshmitarë janë një ish ministër i opozitës dhe një gazetar i oborrit të opozitës. Fatkeqesisht, prej parave te pista, të ardhura nga vende të huaja (dhe kjo pistë është nën hetim serioz), përfaqësues të opozitës duan thjesht dhe vetëm të botojnë në media ndërkombëtare baltën dhe shpifjen që recitojnë çdo ditë në Shqipëri. Kjo është strategjia e opozitës, e cila pa vizion dhe program për të ardhmen do vetëm të djegë e të shkrumbojë të tashmen”, u shpreh Gjylameti.

LEXO EDHE  “Të biem kaq poshtë në nivelin e këtij budallai’/ Alimadhi –Brahos: Keni ngrënë koka njerëzish...

“BILD’ në një artikull të detajuar mbi Shqipërinë e quante kryeministrin e vendit një ‘gangster; në krye të shtetit të mafies. Ndërsa nuk linte pa përmendur as faktin se dy ministrat e Brendshëm të Ramës, Xhafaj dhe Tahiri ishin të përfshirë direkt dhe indirekt në trafik droge.

Kaq ka mjaftuar që Rilindja të përdorë të gjithë arsenalin e saj njerëzor dhe mediatik për t’i shpallur luftë gazetës më të madhe gjermane.

Nuk do të jetë çudi sikur në Shqipëri të ndalohet me ligj edhe leximi online i ‘BILD’ pas këtij dëmi të madh që i ka shkaktuar rilindjes dhe vetë kryeministrit Rama. /Boldnews.al