“Nuk më trembin rivalët e fortë në Champions”, Olsi Rama: Partizani ekipi më me vlerë

I ftuar në studion e “Rubrikës Sportive”, drejtori i Partizanit, Olsi Rama, foli për ecurinë pozitive të të kuqve këtë sezon, teksa deklaroi se nuk i trembet rivalëve të fortë të cilët shorti mund t’i vendosë përballë në Champions.  Rama foli edhe për rivalët, teksa u shpreh:

“Unë  i kam dhënë një llaf të plotë presidentit. Do vazhdojmë me shumë seriozitet të përgatitemi për Champions. Kemi disavantazh koeficientin. Jemi në krahun e dobët. Rivali jonë do jetë i fortë. Nuk është se na tremb, na motivon. Duhet të mundim ekipet e forta për të ecur përpara.

Çdo president është normale që të ketë të preferuar ekipin e vetë. Është më se normale edhe nga ana e Gjicit. Shikoj rezultatin dhe vlerën e ekipit në transfermarket. Partizani është ekipi më me vlerë në “transfermarkt”.

LEXO EDHE  Reja hedh sytë nga talentet, grumbullon në Kombëtare 20-vjeçarin e Tiranës

Kemi 2 lojtarë të grumbulluar me Kombëtaren. Kemi lojtarë të tjerë të grumbulluar me Kombëtaret e moshave. Jemi këtu me meritë të plotë.

Edhe sot na mungonin 3 lojtarë dhe bëmë një nga ndeshjet tona më të mirë. Uroj që vitin tjetër ta fitojmë titullin duke mos patur të njëjtin justifikim nga këta që e humbën”, u shpreh Olsi Rama.