“Jam ish-tifoz i Tiranës”, presidenti Demi: Ju tregoj si urdhërova Starovën të fuste Bardhin në lojë

Partizani arriti të shpallej kampion pas plot 26 vitesh duke mposhtur Tiranën në derbi me rezultatin 2-1. Meritën kryesore për këtë triumf të të kuqve,  e ka padyshim presidenti Gazmend Demi. Në një lidhje direkte për emisionin “Zona Gol”, ai foli për këtë sukses të klubit që ai drejton, teksa nuk i kurseu as batutat për rivalët e Tiranës.

“Unë nuk ndërhyj fare. Në dhoma mund të jem futur 4-5 herë në 6 vit. Një titullar i skuadrës, para nja 3 vitesh, kur kemi luajtur në Durrës, i them një nga këtyre çunave, thuaj Sulës (Starovës), të ma fusë Bardhin. Do t’i që u fut Bardhi dhe bëri gol. Që atëherë nuk kam ndërhyrë më. I vlerësoj të gjithë njësoj futbollistët.

Shpresoj ta kemi fatin e Skënderbeut, me punën që ka bërë Skënderbeu, se nuk ia dha dhuratë Zoti. Shpresoj të arrijmë në grupet e Ligës së Europës, pse jo dhe në Champions. Jemi duke punuar për ta forcuar ekipin. Se sa do na ece të shohim. Menaxherët shumica janë mashtruese. Po punojmë të gjithë. Shpresojmë të bëjmë afrime të mira.  Konkurrenca e rrit vlerën.

LEXO EDHE  Lerda: Duam ta nisim me trofe, për merkaton pyesni drejtuesit e klubit

bandicam 2019-05-12 22-51-49-157

Po të ishte në dorën tuaj, do t’ia linit një gol Tiranës?

Jam i lindur dhe rritur në Tiranë. Jam një ish-tifoz i Tiranës. Unë jam me karakterin e fair-play. I thash edhe gruas, që edhe po të barazonte, asnjë problem nuk kishte. U duk sikur ata çunat tonë liruan një cik, por nuk pati fat Tirana.

Shpresoj që në sezonin tjetër të luajmë në fushën tonë dhe të stërvitemi në fushën tonë. Është një kampionat i fortë. Të shpresojmë të ecim mbarë”, u shpreh presidenti Demi.