Gazetari gjerman, Peter Tiede i është përgjigjur akuzave të bëra nga deputetja socialiste Blerina Gjylameti, e cila tha se shkrimi i tij i publikuar në BILD është i paguar nga opozita.
Në reagimin e tij për “TPZ.al”, Tiede ka qenë mjaft i ashpër dhe i fortë, duke thënë se një deklaratë e tillë është çmenduri, dhe se deputetja Gjylameti mund të ketë qenë duke tymosur ndonjë gjë të fortë në momentin që ka thënë gjëra të tilla.
“Ajo sigurisht bën të njëjtin gabim që bëjnë ‘politikanë’ të tillë: ata vendosin vetë që të tjerët e kanë gabim. Shpresoj, për të mirën e saj, që ky të mos jetë rasti dhe që thjesht të ketë tymosur gjëra të gabuara, siç themi ne në Gjermani. Ka shumë nga këto “gjëra të gabuara”. Më vjen keq që zonjës i janë shteruar argumentat që në fjalinë e parë – dhe se i duhet të mbështetet në teori konsipirative dhe sulme personale. Aludimi se unë kam pranuar para, është thjesht një çmenduri”, u shpreh Peter Tiede.