Kanceri i zorrës së trashë është një kancer që fillon në zorrën e trashë ose në rektum (fundi i zorrës së trashë). Pothuajse të gjitha kanceret e zorrës së trashë fillojnë në gjëndrat që gjenden në murin e zorrës së trashë dhe të rektumit, dhe gati të gjitha kanceret e zorrës së trashë fillojnë si polip jokanceroze (benign), të cilat gradualisht zhvillohen në kancer malign.
Një prej problemeve më të rënda me të cilat përballet aparati tretës në organizmin e njeriut, është kanceri i zorrës së trashë. Një problem shqetësues në mbarë botën, incidencë e kësaj sëmundjeje është më shumë se 1 milion të prekur të rinj çdo vit, kurse sa i përket vdekshmërisë vjetore nga sëmundja, ajo llogaritet në më shumë se 500 mijë raste.
Megjithatë, për të gjithë ata që vuajnë nga kjo sëmundje tanimë ndërhyrjet kirurgjikale që kryhen për të shëruar dhe reabilituar pacientët nuk janë më një problem, pasi në Spitalin Hygea, këto ndërhyrje jo vetëm që zhvillohen me pajisjet më të fundit por janë edhe ndërhyjrje me metodat më të reja të shkencës.
Një rast i ngjashëm është shënuar në këtë spital në Tiranë, ku një pacient i cili vuante nga kjo sëmundje iu nënshtrua një metode të shumë me efikase dhe e sigurt se sa metodat klasike të ndërhyrjes. Një shpjegim më të detajuar lidhur me këtë rast na dha edhe kirurgu Çeleb Bahadir, një ndër specialistët e këtij spitali.
‘Bëhet fjalë për një mashkull i cili vuan nga ky kancer. Atij i është dëmtuar një pjesë e zorrës së trashë dhe pas kimioterapive dhe radioterapisë, jemi në fazën e kryerjes së një ndërhyrjeje me lapiroskopi. Pasi masa tumoriale është zvogëluar, ajo që ne bëjm me këtë ndërhyrje është eliminimi i plotë i masës tumoriale. Përdorëm këtë ndërhyrje dhe jo atë klasike në mnëyrë që pacienti të mos ketë dhimbje dhe që koha e rikuperimit dhe shërimit pas kësaj të jetë më e shkurtër,’ u shpreh doktori.
Por, cilët janë faktorët e riskut kur bëhet fjalë për kancerin e zorrës së trashë?
Mosha mbi 50 vjeç, histori familjare më sëmundje të ngjashme apo të afërm të diagnostifikuar më parë me kancer të zorrës së trashë, dieta e pasur me yndyrna shtazore dhe e varfër në fruta dhe perime, duhan pirja, mbipesha apo edhe jeta pa shumë aktivitet fizik janë të gjithë këto faktorë që ndikojnë në rritjen e propabilititetit për tu prekur nga kanceri i zorrës së trashë.
