Teksa kreu i PD-së Lulzim Basha fliste në një konferencë për gazetarët një ditë pas protestës së opozitës, Astrit Patozi postonte një mesazh të koduar në faqen e tij në Facebook.
“Një ylber” shoqëruar me komentin bashkangjitur: PO NDODH TANI MBI TIRANE…
Një mesazh për Lulzim Bashën? Me gjasë po.
Kreu i PD-së në konferencën e sotme me gazetarët, u shpreh se, mirëpret “ndihmën e partnereve tanë ndërkombëtare për të zgjidhur këtë krizë”.
Kjo me gjasë është konsideruar nga Patozi si një ndryshim i qëndrimit të ripërsëritur të Bashës se nuk ulet ne negociata me kryeministrin Edi Rama. Dhe e tillë do kishte qenë, nëse kryedemokrati të mos kish ripërsëritur “kushtin e panegociueshëm”. Basha theksoi se nuk ka negociata dhe qeveri tranzitore me Edi Ramën kryeministër, pasi për kryedmeokratin “Rama është përdhunuesi serial i zgjedhjeve” dhe nën tutelën e tij nuk mund të garantohet një proces i lirë e i ndershëm zgjedhor.
Le të kthehemi te mesazhi i Patozit, i cili mesa duket ka vendosur të bëjë diversionin e radhës… Megjithatë, pas statusit të postuar në Facebook, komentet kundër tij kanë qenë të shumta. Qytetarët, me komentet e tyre, i kujtojnë se “po i shërben kryeministrit Edi Rama”.
“Me ato meru se partin ta shef Edvini”, komenton dikush. “S’ke nevoje me e kalu, se me bure ku*ve qe dole s’ke ku shko me shume!”, komenton dikush tjetër.
“Qenke ne Surrel?”, e pyet me ironi një përdorues i rrjetit social, ndërsa një tjetër i shkruan: “Bindja sikur 10 bashki te fitoj prap eshte mire”…
