Momenti i arrestimit të Sekretarit Organizativ të PD-së, Sahit Dollapi, nga pjesëtarë të FNSH-së, gjatë protestës së të shtunës, ka shkaktuar reagime të shumta në rrjet.
Dollapi u sulmua nga efektivët e FNSH-së teksa po komunikonte me një prej drejtuesve të tyre, i cili sipas raportimeve ka dhënë urdhërin për ndalimin e zyrtarit demokrat. Ky i fundit ka mundur të vrapojë disa metra, më pas është rrëzuar, dhe kur ka qenë i shtrirë në tokë, është goditur nga disa efektivë të FNSH me shkopinj gome, duke i shkaktuar dëmtime të shumta.
Ky moment është ironizuar në rrjet nga ish-deputeti socialist Andis harasani.
Ai ka postuar një foto në rrjet me mbishkrimin “urime gjeneral Lleshaj. Policia që duam. Vetëm 8 policë u deshën me kap një protestues të rrëzuar përtokë”.
