‘Stop dhunës! Mos nxisni dhunë ndaj institucioneve! Kujdes se ata do hedhin sërish molotov! Dënoni dhunën ndaj institucioneve’, ishte ky zhargoni i deklaratave të ardhura ditën e sotme nga zyrtat e Rilindjes dhe Ambasadat e akredituara në vendin tonë.
Por opozita dhe shqiptarët treguan edhe njëherë sot se dhunuesit e vërtetë janë ata në pushtet dhe jo ata që protestojnë.
Sot qytetarët shqiptarë i dhanë një përgjigje ambasadorëve të akredituar në vendin tonë se ne jemi më europianë dhe më pro amerikanë se ata që ndodhen brenda ndërtesave që vetëm emrin kanë ambasada të huaja, pasi me deklarata e tyre sot nxinë njëlloj sikur të ishin shkruar nga Edi Rama.
Nën thirrjet ‘Rama Ik’, mirë qytetarë shqiptarë marshuran sot në një itinerar të gjatë nga kryeministria, , tek Drejtoria e Përgjithshme e Policisë, te parlamenti, tek Ministria e Brendshme për ta mbyllur marshimin e tyre para drejtorisë së Policisë së Tiranës.
Mbrëmjen e sotme i vetmi ‘krim’ i qytetarëve ishte hedhja e disa fishekzjarrëve në drejtim të Ministrisë së Lleshit dhe parlamentit të Ruçit.
Në këtë marshim kilometrik shqiptarët treguan se ata e meritojnë titullin qytetarë. Ambasadave të akredituara në vendin tonë, nuk ju mbetet gjë tjetër tani vetëm, të bëjnë deklarata të tipit: Dhunohet Edi Rama, pasi sot shqiptarët njëzëri brohoritën ‘Rama Ik’. /Boldnews.al
