Çlirim Gjata, sekretari për Çështjet Ligjore në Partinë Demokratike, ka folur rreth detajeve të asaj çfarë ka ndodhur me Sekretarin Organizativ të Partisë Demokratike, Sahit Dollapi.
Gjata është shprehur se ajo çfarë kishte ndodhur ishte e tmerrshme dhe ajo çka e ka detyruar të vrapoj Dollapin kanë qenë britmat e policisë, “kapeni, mbyteni”, ato të cilat e detyruan të vraponte.
Gjata është shprehur se opozita nuk ndalet dhe se ditën e sotme do të protestojnë të gjithë përpara Drejtorisë së Policisë.
“Dëmtimet që ndodhën dje, ishin të rënda. Megjithëse ishte në gjendje të rëndë zoti Dollapi vijonte ende të komunikonte me njerëzit madje bënte dhe humor.
Së dyti doja të thoja se situata e mbrëmshme ishte tepër e vështirë. Mbi një orë është zoti Dollapi është mbajtur i arrestuar në polici dhe vetëm pasi çështja u bë mediatike, ai u soll me 4 makina policie për trajtim. Madje kanë qenë rreth 50 policë të cilët qëndronin këtu për të mos e lejuar të ikte, të cilët u tërhoqën pas nga Drejtoria e Policisë vetëm pas vizitës së Avokates së Popullit”, u shpreh Gjata.
