Një tjetër operacion i anti-drogës italiane ka vënë në pranga 2 shqiptarë të përfshirë në trafikun e lëndëve narkotike.
Gjatë ditës së djeshme, u sekuestruar në Leçe, një sasi prej 400 kg marijuanë dhe hashash. Efektivët e policisë italiane kanë lokalizuar vendndodhjen e një gomoneje të dyshimtë në brigjet e San Cataldos. Pasi ka marrë sinjalin e efektivëve detare, gomonja ka tentuar të largohet me shpejtësi, por pa rezultat, pasi autoritetet detare kanë bërë të mundur kapjen e menjëhershme të saj dhe personave që ndodheshin në bord.
Në bordin e gomones janë gjetur paketime të shumta në të cilat ndodhej sasia e drogës së konfiskuar. Në të ndodheshin 14 pako të cilat, autoritetet italiane vlerësojnë se nëse do të hidheshin në treg në doza akoma të vogla mund të kapnin vlerën e 4 milionë eurove. Sipas mediave italiane, mjeti lundrues me një gjatës prej 6 metrash është nisura nga Ballkani, ndërkohë që dy skafistët që ndodheshin në atë gomone, me shtetësi shqiptare, janë arrestuar. Mbi ta rëndojnë akuzat e trafikimit të lëndëve narkotike si dhe mos bindje ndaj autoriteteve të policisë italiane.
Operacione të ngjashme janë kryer gjatë gjithë kohës nga efektivët Italinë. E fundit ka qenë ajo e datës 29 prill kur u kap një sasi e konsiderueshme lëndësh narkotike ku sërish kishin të bënin me shqiptarë. Që në fillim të vitit e deri më tani, autoritetet italiane kanë arrestuar 70 persona, janë kapur rreth 3 ton lëndë narkotike. /BN/
