Nga qyteti i Korçës, ku po zhvillon takimin e rradhës me strukturat e PD-së dhe qytetarët, kreu demokrat Lulzim Basha, akuzoi kryeministrin Edi Rama se ka bërë fushatë me 10 grupe kriminale.
“Partia Socialiste është shkrirë. Fushatën elektorale Rama e bën me Safet Bajrin, Astrit Avdylajn, sanxhaktarët e Elbasanit dhe me kriminelët që i mblidhte Rragami këtu në Korcë, me Shullazin në Tiranë, pra me 10 banda kriminale.
Këto banda janë shtylla e pushtetit të tij që kontrollojnë gjithçka, tenderat, lejet e ndërtimit, gjithçka. Të gjithë këta janë kapur në përgjimet me vjedhje votash dhe po të ishim një minimum drejtësie, një prokurori, në qeli duhet të ishte Damian Gjiknuri, Taulant Balla, dhe jo Klevis Balliu.
Po të kishim një minimum drejtësie aty duhet të ishte vetë Edi Rama. Kjo bandë hajdutësh dhe kriminelësh është arsyeja që mijëra baballarë s’i thonë më vetes biznesmenë, por i thonë të papunë. Kjo është arseyja që 360 mijë fermerëve u shkon mendja vërdallë dhe sbuzëqeshin dot sic duhet të buzëqeshin çdo pranverë”, tha Basha.
Sipas tij, për shkak të Ramës dhe oligarkëve studentët kanë arsimin me cilësinë më të dobët, por me tarifat më të larta në botë.
“Qindra e mijëra dollarë hedhin nëpër spektakle nga taksat tuaja, por nuk gjejnë para për të futur në ndihmë ekonomike ata që spaguajnë dot bukën e gojës, ndërkohë që pensionet i indeksojnë më pak sesa inflacioni.
Si ka mundësi që vjen në pushtet një klikë e tillë horrash? Pse na ndodh ne? Për dy arsye, sepse skanë ardhur me votë, por me krim. Dhe e dyta se Rama ka përdorur me eficencë strategjinë e shkurajimit. i shkurajon me dhunë, me kërcënime për ti larguar nga puna, për ti futur në burg, i shkurajon me përçarje, duke hedhur banorët kundër njëri tjetrit. Shkurajim përmes shantazhimit, propagandës, ka qenë vegla e qendrimit në pushtet, të ardhur nëpërmjet krimit”, theksoi Basha.
Në fjalën e tij, kreu demokrat theksoi se arsyeja kryesore e rilindjes së shpresës ka ardhur nga bashkimi ynë, nga qëndresa jonë, nga përballja jonë, nga beteja e përditshme kundër të keqes, nga vendosmëria për ti shkuar betejës deri në fund.
“Nuk i dogjëm kot mandatet, i dogjëm për ti treguar çdo qytetari se beteja jonë nuk ka kthim deri në largimin e klikës dhe se nuk do të ketë asnjë kompromis me të keqen.
Nuk ka hap prapa se prapa ka vetëm greminë, ka vetëm korrupsion. Djegia e mandateve është hipoteka jonë mbi të cilën kemi ndërtuar bashkimin tonë,qëndresën tonë.
Gjysmën e betejës e kemi fituar. Në 11 javë tashmë është realitet se vendi do të shkojë drejt zgjedhjeve të parakohshme parlamentare”, tha Basha.
Në vijim, kreu demokrat shtoi se procesi i vetingut po përdoret për të mbajtur në sistem njerëz të korruptuar nga koka te këmbët si Donika Prela.
“Kjo do të hetojë mafian, ajo që është kapur në pastrim parash? Prandaj nuk hetohet 339, 184, se shkojnë direkt në burg Vangjush Dako, Damian Gjiknuri shkojnë në burg dhe ata fillojnë e flasin për të Gjatin, i cili kërkonte se donte të 10 deputetët e Durrësit.
Dhe s’fliste me stafin e PS, fliste me kriminelët, me trafikantët. Prandaj asnjëri prej tyre nuk është në burg dhe Donika Prela nuk heton”, shtoi ai.
